Շվեդ ֆիզիկոս և աստղագետ Ցելսիուսն աշխարհում լայն տարածում գտած Ցելսիուսի ջերմաստիճանային ցուցնակի հեղինակն է: Անդերս Ցելսիուսն ավարտել է Ուփսալայի համալսարանը, 1730 թ-ից դարձել այդ համալսարանի պրոֆեսոր, միաժամանակ 1740 թ-ից եղել է Ուփսալայի աստղադիտարանի տնօրեն: Նա Լոնդոնի թագավորական ընկերության և Բեռլինի գիտությունների ակադեմիայի անդամ էր: Հիմնական աշխատանքները վերաբերում են ֆիզիկային, աստղագիտությանը, երկրաֆիզիկային: Ցելսիուսը մասնակցել է Երկրի հասարակածի չափման նպատակով կազմակերպված Լապլանդական արշավախմբի (1736–37 թթ-ին) աշխատանքներին: Առաջարկել է ջերմաստիճանային ցուցնակ (Ցելսիուսի ջերմաստիճանային ցուցնակ), որի վրա սառույցի հալման (0օC) և ջրի եռման (100օC) ջերմաստիճանների միջակայքը մթնոլորտային բնականոն ճնշման (760 մմ սնդիկի սյան) դեպքում բաժանված է 100 հավասար մասերի: Ցելսիուսի ջերմաչափով առողջ մարդու մարմնի ջերմաստիճանը 36,6օC է:
| 
