Четверг, 26.06.2025, 04:52Приветствую Вас Гость
Регистрация | Вход
RSS
ՀԱՐՍՏԱՑՆԵՆՔ ՄԵՐ ԳԻՏԵԼԻՔՆԵՐԸ...
Меню сайта
ԱԴՄԻՆԻՍՏՐԱՑԻԱ
  • Բողոքների կամ առաջարկների համար խնդրում ենք գրել այստեղ կայքի ադմինիստրացիա
Вход на сайт
Поиск
Календарь
«  Апрель 2013  »
Пн Вт Ср Чт Пт Сб Вс
1234567
891011121314
15161718192021
22232425262728
2930
Наш опрос
Оцените мой сайт
Всего ответов: 795
Block title
Статистика

Онлайн всего: 6
Гостей: 6
Пользователей: 0
Block title
Главная » 2013 » Апрель » 28 » Օյստրախ Դավիդ
22:15
Օյստրախ Դավիդ
Դիրիժոր, մանկավարժ, ԽՍՀՄ ժողովրդական արտիստ Դավիդ Օյստրախն աշխարհի խոշորագույն ջութակահարներից է: Նրա անվան հետ են 
կապված ջութակի կատարողական արվեստի ծաղկման շրջանը և 
այդ արվեստի դպրոցների ստեղծումը Ռուսաստանում:

Դավիդ Օյստրախը ջութակ և ալտ նվագել է 5 տարեկանից: 1926 թ-ին ավարտել է Օդեսայի երաժշտադրամատիկական ինստիտուտը (Պյոտր Ստոլյարսկու դասարանը): Դեռևս ուսանողական տարիներից Օյստրախը ելույթներ է ունեցել Օդեսայի սիմֆոնիկ նվագախմբի հետ` որպես մենակատար և դիրիժոր: 1932–34 և 1941 թթ-ին եղել է Մոսկվայի ֆիլհարմոնիայի մենակատար: 1934 թ-ից դասավանդել է Մոսկվայի կոնսերվատորիայում (1939 թ-ից` պրոֆեսոր, 1950 թ-ից` ջութակի ամբիոնի վարիչ): 
Երկրորդ աշխարհամարտի (1939–45 թթ.) տարիներին ելույթներ է ունեցել զորահավաքային կետերում, հոսպիտալներում, պաշարված Լենինգրադում: 1943 թ-ից Օյստրախը դաշնակահար Լև Օբորինի և թավջութակահար Սվյատոսլավ Կնուշևիցկու հետ հանդես է եկել անսամբլով: Պատերազմից հետո շարունակել է համերգային գործունեությունը: 1945 թ-ին ԽՍՀՄ հյուրախաղերի եկած ամերիկացի ջութակահար Իեհուդի Մենուհինի հետ կատարել է Բախի կրկնակի կոնցերտը:
1960-ական թվականներին Օյստրախի դիրիժորական երկացանկն ընդգրկել է դասական և ռոմանտիկական ստեղծագործություններ (Յոհան Բախ, Վոլֆգանգ Մոցարտ, Ֆրանց Շուբերտ, Լյուդվիգ վան Բեթհովեն և ուրիշներ): 
Օյստրախը կատարել է նաև ժամանակակից կոմպոզիտորների` Դմիտրի Շոստակովիչի, Սերգեյ Պրոկոֆևի, Արամ Խաչատրյանի, Նիկոլայ Մյասկովսկու, Պաուլ Հինդեմիտի և ուրիշների ջութակի սոնատներն ու կոնցերտները: Նա Շոստակովիչի Ջութակի առաջին սոնատի և Ջութակի առաջին կոնցերտի կատարողն է (հեղինակը նվիրել է Օյստրախին): Նրան գործեր են նվիրել նաև Ա. Խաչատրյանը (Օյստրախը նրա Ջութակի կոնցերտի առաջին կատարողն է), Ս. Պրոկոֆևը, Ն. Մյասկովսկին, Մոիսեյ Վայնբերգը, Էռնստ Մայերը: 
Օյստրախը բազմաթիվ հյուրախաղեր է ունեցել արտասահմանում և վայելել մեծ հեղինակություն: Եվրոպայում նրան անվանել են «Դավիդ թագավոր»:
Օյստրախի կատարողական արվեստին բնորոշ էին պլաստիկությունը, նրբագեղությունը, բարձր տեխնիկան, մաքուր հնչերանգը: 
Օյստրախը երաժիշտ-կատարողների համամիութենական մրցույթի (Լենինգրադ, 1935 թ., 1-ին մրցանակ), Հենրիկ Վենյավսկու անվան (Վարշավա, 1935 թ., 2-րդ մրցանակ) և Էժեն Իզայիի անվան (Բրյուսել, 1937 թ., 1-ին մրցանակ) ջութակահարների միջազգային մրցույթների դափնեկիր է: Օյստրախը եղել է Լոնդոնի երաժշտության թագավորական ակադեմիայի, Բոստոնի արվեստի և գիտության ամերիկյան ակադեմիայի պատվավոր անդամ, Հռոմի «Սանտա Չեչիլիա» ազգային ակադեմիայի պատվավոր ակադեմիկոս, Բեռլինի արվեստի գերմանական ակադեմիայի թղթակից անդամ, Քեմբրիջի համալսարանի դոկտոր:
Օյստրախն արժանացել է ԽՍՀՄ Պետական (1943 թ.) և Լենինյան (1960 թ.) մրցանակների, պարգևատրվել Լենինի 2 շքանշանով:
2006 թ-ին ստեղծվել է Դավիդ Օյստրախի անվան բարեգործական հիմնադրամը, նույն թվականից Մոսկվայում անցկացվում են ջութակահարների` Դավիդ Օյստրախի անվան միջազգային մրցույթներ,  Էստոնիայի Պյառնու քաղաքում` Դավիդ Օյստրախի անվան ամենամյա երաժշտական փառատոն:
2008 թ-ին Ռուսաստանի բանկը թողարկել է արծաթե մետաղադրամ` նվիրված Դավիդ Օյստրախի ծննդյան 100-ամյակին:
Просмотров: 391 | Добавил: Erik | Рейтинг: 0.0/0
Всего комментариев: 0
Имя *:
Email *:
Код *: