Սան Տոմե և Պրինսիպի պետությունը գտնվում է Գվինեական ծոցի՝ հրաբխային ծագման համանուն կղզիների վրա` Աֆրիկայից 300 կմ արևմուտք: Մակերևույթին առանձնանում են խառնարանային կոները: Կլիման հասարակածային է, մշտապես խոնավ: Կան բազմաթիվ գետակներ, խառնարանային լճակներ: Կղզիները ծածկված են հասարակածային անտառներով: Կենդանական աշխարհում գերակշռում են թռչուններն ու սողունները:
Կղզիները դեռ XV դարից գաղութացրել է Պորտուգալիան: Անկախություն է ձեռք բերել 1975 թ-ի հուլիսի 22-ին:
Բնակիչների 90 %-ը խոսում է աֆրիկյան բանտու լեզուներով: Բնակչությունըկազմված է կրեոլներից, մետիսներից, անգոլարներից, ֆոռոսներից, տոնգաներից և եվրոպացիներից:
Հիմնական զբաղմունքը երկրագործությունն է: Մշակում են կակաո, սրճենի, ձիթատու և կոկոսյան արմավենի: Կան փայտամշակման և գյուղատնտեսական հումքի մշակման փոքր ձեռնարկություններ: Զարգացած է ձկնորսությունը:
