Սենտ Քիտս և Նևիսը պետություն է Կարիբյան ծովի համանուն կղզիներում՝ Փոքր Անտիլյան կղզիների Հողմակողմ կղզեխմբում: Բրիտանական համագործակցության անդամ է: Կղզիներն ունեն հրաբխային ծագում և լեռնային մակերևույթ: Ամենաբարձր կետը 1155 մ է:
Կլիման արևադարձային է, շոգ: Լեռների բարձրադիր լանջերը ծածկված են մշտադալար անտառներով:
Կղզիները հայտնագործել է Ք. Կոլումբոսը 1493 թ-ին: 1628 թ-ին անգլիացիները գաղութացրել են Նևիս, 1783-ից՝ Սենտ Քիտս կղզիները: 1882 թ-ին Սենտ Քիտս, Նևիս և Անտիլյան կղզիները կազմել են Դաշնություն, որն առանց Անգլիայի (առանձնացել է) 1967 թ-ին ստացել է Մեծ Բրիտանիային միավորված պետության կարգավիճակ, իսկ 1983 թ-ի սեպտեմբերին՝ անկախություն:
Կղզիների բնակիչները եվրոպացիների և աֆրիկյան ստրուկների (նեգրեր) սերունդներն են:
Տնտեսության հիմքը գյուղատնտեսությունն է: Մշակում են շաքարեղեգ, բամբակենի, կոկոսյան արմավենի: Կան գյուղատնտեսական հումքի վերամշակման ձեռնարկություններ: Զբաղվում են նաև ձկնորսությամբ:
