Պետություն է Կարիբյան ծովի Փոքր Անտիլյան կղզիներում՝ Սենտ Վինսենտ և հարավում դրան հարող Հյուսիսային Գրենադիններ (Բեկիա, Մյուստիկ, Կանուան, Յունիոն և այլն) փոքր կղզիների վրա: Բրիտանական համագործակցության անդամ է: Կղզիներն ունեն հրաբխային ծագում, ռելիեֆը լեռնային է: Ամենամեծ կղզին Սենտ Վինսենտն է, որի կենտրոնական մասում հյուսիսից հարավ ձգվում է հրաբուխների շղթան (ամենաբարձրը՝ 1234 մ, Սուֆրիեր): Կղզու կենտրոնական մասն անտառապատ է: Կլիման մերձհասարակածային է, պասսատային, հաճախակի են փոթորիկները: Կան ջրառատ գետեր: Առափնյա ջրերը հարուստ են ձկներով, խեցգետիններով, փափկամարմիններով: Սենտ Վինսենտ կղզին հայտնաբերել է Ք. Կոլումբոսը 1498 թ-ին: Մինչև XVII դարը եղել է Իսպանիայի տարածք: 1783 թ-ին Վերսալյան պայմանագրով այն անցել է Մեծ Բրիտանիային, 1969 թ-ին ստացել Մեծ Բրիտանիային միավորված պետության կարգավիճակ, իսկ 1979 թ-ի հոկտեմբերին ձեռք է բերել
անկախություն: Բնակչության մեծ մասը սևամորթներ և մուլատներ են: Կան նաև անգլիացիներ, պորտուգալացիներ, հնդկացիներ: Երկրի տնտեսության հիմքը գյուղատնտեսությունը և զբոսաշրջությունն են: Գլխավոր մշակաբույսը առորուտն է (ստանում են օսլայի ալյուր), որի արտադրությամբ աշխարհում առաջին տեղում է: Մշակում են նաև ադամաթուզ, կոկոսյան արմավենի, մանգո, սրճենի, կակաո: Կան գյուղատնտեսական հումքի վերամշակման
|
