Դոմինիկան պետություն է Վեստ Ինդիայում՝ Կարիբյան ծովում՝ Փոքր Անտիլյան կղզեխմբի Դոմինիկա կղզում: Բրիտանական համագործակցության անդամ է: Մակերևույթը լեռնային է: Կենտրոնում գտնվում է կղզու ամենաբարձր կետը՝ Դյաբլոտեն հրաբուխը (1447 մ):
Կլիման արևադարձային է: Հաճախակի են արևադարձային փոթորիկները:
Կղզին հայտնագործել է Ք. Կոլումբոսը 1493 թ-ի նոյեմբերի 3-ին, և քանի որ այդ օրը կիրակի էր, այն անվանել է Դոմինիկա, որը թարգմանաբար նշանակում է կիրակնօրյա: Երկիրը եղել է Մեծ Բրիտանիայի գաղութը: Անկախություն է ձեռք բերել 1978 թ-ին:
Տնտեսության հիմքը գյուղատնտեսությունն է: Մշակում են ադամաթուզ, կոկոսյան արմավենի, կակաո, ցիտրուսներ և այլն:
