Բարբադոսը պետություն է Վեստ Ինդիայում՝ Կարիբյան ծովի ավազանի կղզիներից ամենաարևմտյան` համանուն կղզում: Բրիտանական համագործակցության անդամ է: Բուստային խութերով շրջապատված հրաբխային ծագման կղզի է: Կլիման արևադարձային է:
Մինչև եվրոպացիների մուտքը կղզում բնակվում էին հնդկացիների տարբեր ցեղեր: 1518 թ-ին առաջինը այստեղ եկան իսպանացիները, որոնք էլ երկրին տվեցին Բարբադոս (իսպաներեն նշանակում է մորուքավոր բույս) անունը՝ այստեղ տարածված մորուքանման բույսերով պարուրված թզենիների պատճառով: 1605 թ-ին կղզի թափանցեցին անգլիացիները և հիմնեցին իրենց գաղութը, իսկ 1628 թ-ին՝ Բրիջթաուն քաղաքը: XVII դարի 30-ական թվականներին այստեղ աշխատելու համար Աֆրիկայից բերվեցին նեգր ստրուկներ, որոնք հետագայում կազմեցին կղզու բնակչության մեծամասնությունը:
Երկիրն անկախություն է ձեռք բերել 1966 թ-ին:
Բարբադոսի տնտեսության հիմքը հյուրեկ զբոսաշրջությունն ու գյուղատնտեսությունն են: Մշակում են շաքարեղեգ, բամբակենի, բատատ, ադամաթուզ, մանգո, ավոկադո և այլն: Կան շաքարի, մրգահյութերի, շինանյութերի, ոգելից խմիչքների արտադրության ձեռնարկություններ:
