Բոսնիա և Հերցեգովինան պետություն է Եվրոպայում: Այն ստեղծվել է 1991–92 թթ-ի պատմական իրադարձությունների արդյունքում (5.4.1992 թ.), երբ Հարավսլավիայի տրոհման հետևանքով առաջացան 5 ինքնիշխան պետություններ: Ցավոք, պատմական այդ իրադարձություններն ուղեկցվեցին ազգամիջյան բախումներով և արյունահեղությամբ, որը հնարավոր եղավ կասեցնել միայն միջազգային ընկերակցության եռանդուն ջանքերի շնորհիվ: Բազմազգ երկիր է, բնակվում են սերբեր, խորվաթներ, սլովեններ և այլք: Խոշոր քաղաքներն են Բանյա-Լուկան, Զենիցան, Տուզլան, Մոստարը և այլն: Երկրի մակերևույթը լեռնային է, մեծ մասն զբաղեցնում են Դինարյան լեռները: Սավա գետի հովտով դեպի հյուսիս ձգվում են դաշտավայրերը: Կան երկաթի,
գորշ ածխի, բոքսիտների, պղնձի, աղերի պաշարներ: Կլիման բարեխառն է: Խոշոր գետերն են Սավան, Ներետվան, Դրինան: Տարածված են սաղարթավոր և ասեղնատերև անտառները: Զարգացած են արդունաբերության հանքարդյունահանող, քիմիական, անտառային, փայտամշակման ճյուղերը: Մշակում են եգիպտացորեն, կարտոֆիլ, շաքարի ճակնդեղ, ծխախոտ, մրգեղեն, բանջարեղեն և այլն:
|
