Բութանի Թագավորություն Բութանը պետություն է Հարավային Ասիայում՝ Հնդկաստանի և Չինաստանի միջև: Երկրի տարածքում են Հիմալայների արևելյան լեռնաճյուղերը, որոնք կտրտված են Բրահմապուտրայի վտակների խոր հովիտներով: Կլիման խոնավ մերձարևադարձային է: Կան անտառներ, 4000 մ-ից բարձր լեռնային մարգագետիններ են: Պետության հիմնադիրը համարվում է լամա (բուդդայական քահանա) Նգավանգ Նամգյալը, որը XVI դարի 2-րդ կեսին իրեն հռչակել է Բութանի թագավոր: Երկիրը երկար ժամանակ եղել է Մեծ Բրիտանիայի գաղութը: Անգլիացիները, հաստատվելով Հնդկաստանում, իրենց վերահսկողությունն են սահմանել Բութանի վրա: Հնդստան թերակղզու անգլիական գաղութատիրության փլուզումից հետո` 1947 թ-ին, ազատագրվել է նաև Բութանը: Բութանում քաղաքական կուսակցություններն արգելված են: Երկրի բնակչության 70%-ը բհոտիաներն են և նրանց ցեղակից խմբերը: Բութանի տնտեսության հիմքը գյուղատնտեսությունն է: Մշակում են բրինձ, բամբակենի, ցորեն, գարի: Զբաղվում են անասնապահությամբ: Արդյունահանում են երկաթ, ածուխ: Կան թղթի, գործվածքների, գորգերի արտադրության ձեռնարկություններ: Երկրում խստորեն պահպանվում են ազգային սովորույթները, այդ թվում՝ նաև ազգային տարազը:
| 
